कोहलपुरमा हराएका तीन बालक सुरक्षित फेला

बाँके, २५ असार २०८२

कोहलपुरस्थित बागेश्वरी इंग्लिस मिडियम स्कूलमा कक्षा ८ मा अध्ययनरत तीन बालक हराएको केही समयपछि कोहलपुर चौराहामा सुरक्षित फेला परेका छन्। हराएका बालकहरूमा १५ वर्षीय निरज थापा, १३ वर्षीय पवननाथ योगी र १२ वर्षीय रोविन्द्र खड्का रहेका छन्।

असार २२ गते दिउँसो स्कूलपछि सम्पर्कविहीन भएका उनीहरूको खोजतलासमा परिवार, विद्यालय प्रशासन र स्थानीयवासी सक्रिय रूपमा लागेका थिए। स्थानीयको सहयोगमा उनीहरूलाई कोहलपुर चौराहामा सुरक्षित अवस्थामा फेला पारिएको छ ।

प्रहरीका अनुसार बालकहरूलाई अभिभावकको जिम्मा लगाउने प्रक्रिया सुरु भएको छ र घटनाको विस्तृत अनुसन्धान भइरहेको छ। विद्यालय प्रशासन र प्रहरीले बालबालिकाको सुरक्षाप्रति अभिभावक र शैक्षिक संस्थाहरूलाई थप सतर्क र जिम्मेवार हुन आग्रह गरेका छन्।