कोहलपुर मालपोत कार्यालयका खरिदार घुससहित पक्राउ

कोहलपुर, बाँके – मालपोत कार्यालय कोहलपुरको मुद्दा फाँटमा कार्यरत खरिदार हरिचन्द्र पाण्डेसहित तीन जना घुस लिँदै गर्दा पक्राउ परेका छन्।

जग्गाको मोठ भिडाउने कार्यमा सहजीकरण गरिदिने भन्दै सेवाग्राहीसँग घुस लिएको आरोपमा अख्तियार दुरुपयोग अनुसन्धान आयोगको बुटवल कार्यालयअन्तर्गत नेपालगञ्ज सम्पर्क कार्यालयबाट खटिएको टोलीले उनीहरूलाई शुक्रबार साँझ पक्राउ गरेको हो।

आयोगका प्रवक्ता राजेन्द्रकुमार पौडेलका अनुसार सेवाग्राहीबाट लेखापढी व्यवसायी (विचौलिया)मार्फत घुस मागिएको उजुरी प्राप्त भएपछि टोली खटाइएको थियो। अनुगमनका क्रममा खरिदार पाण्डेलाई २० हजार रुपैयाँ घुससहित नियन्त्रणमा लिइएको आयोगले जनाएको छ।

पक्राउ परेकाहरूमाथि थप अनुसन्धान भइरहेको आयोगले जनाएको छ।