होलीमा बाँकेमा एक हजार बढी सुरक्षाकर्मी तैनाथ गरिदै, जबर्जस्ती रङ्ग नदल्न आग्रह

२८ फाल्गुन, बाँके । होलीलाई लक्षित गरेर बाँकेमा एक हजार बढी सुरक्षाकर्मी परिचालन गरिदैछ । सदभावको पर्वको रुपमा रहेको होलीलाई मर्यादित तरिकाले मनाउन नेपालगञ्जमा सुरक्षाकर्मीको बाक्लो उपस्थिती रह्‌नेछ ।

जिल्ला प्रहरी कार्यालय बाँकेका प्रहरी उपरिक्षक (एसपी) तुल बहादुर कार्कीले रङ्गको पर्व होली सभ्य रुपमा मनाउन आग्रह गरेका छन् ।

Advertisement

यस वर्ष पहाडमा फागुन २९ गते र तराईमा चैत्र १ गते होली पर्व परेको हुनले जथाभावी रंग नछ्याप्न र अविर नदल्न उनले आग्रह गरेका छन् ।

बिना सहमति कोहि कसैलाई रङ्ग छ्याप्न र अविर दल्ने कार्य कानुन विपरित भएको जिल्ला प्रहरी कार्यालयले सार्वजनिक अपिल गरेको छ ।

Advertisement

होलीलाई शान्तिपूर्ण रुपमा सम्पन्न गर्न बाँकेमा सुरक्षा व्यवस्था कडा बनाइने छ । नेपालगञ्जमा मात्र एक हजार सुरक्षाकर्मी परिचालन गरिने एसपी कार्कीले जानकारी गराए । सम्वेदनशिल, अति सम्वेदनशिल ठाउँको पहिचान गरि उनले बाँके भर एक हजार भन्दा बढी सुरक्षाकर्मी परिचालन गर्ने बताए ।

उनले भने, ‘सम्बेदनशिल क्षेत्रको पहिचान गरि चोक–चोका सादा पोशाक र बर्दी सहितका प्रहरी परिचालन गरिने छ नै गाडीबाट मोबाइल गस्ती समेत हुनेछ ।’

Advertisement