कान्तितालको अवस्था कुरुप बन्दै, चोरिन थाले रेलिङ्गका पाईप

नेपालगन्ज : नेपालगन्ज उपमहानगरपालिका वडा नम्बर २२ स्थित कान्तिताल यतिबेला कुरुप बनेको छ ।

Advertisement

पर्यटकलाई आकर्षित गर्न उपमहानगरपालिकाले बनाएका संरचना संरक्षण गर्न नसक्दा कान्ति ताल यतिबेला कुरुपको अवस्थामा पुगेको हो।

यतिबेला ताल संरक्षण गर्न बनाइएको रेलिङ्ग भत्किएको छ भने रेलिङ्गमा लगाइएको पाइपहरु समेत चोरी भएका छन ।

Advertisement

चोरले रेलिङ्ग भत्काएर (जेआई) पाइप काटेर लगेका मात्र छैनन् मादक पदार्थका बोत्तल, गुट्खाका खालि प्लास्टिक खोल लगायत फोहर थुप्रिएर ताल वरपर कुरुप देखिएको छ ।

Advertisement

त्यस्तै सुन्दर बनेको कान्ति ताल अहिले मादक पदार्थ र मादक पदार्थ सेवन गर्ने थलोको रुपमा बिकास भएको छ ।जसका कारण कान्तीताल अवलोकनको लागी स्थानिय तथा आन्तरिक पर्यटक दिउसोकै समयमा पनि जान असुरक्षित महशुस गर्न थालेका छन्।

करोडौ लगानी गरेर बनाइएको संरचनाको संरक्षण नहुदा नेपालगंज उपमहानगरपालिकाका जनप्रतिनिधि, कर्मचारीलाई मात्र नभई सिंगो नेपालगंजबासीलाई कान्ति तालको यतिबेलाको अवस्थाले गिज्याई रहेको छ।

यसतर्फ बेलैमा ध्यान नपुर्याउने हो भने कान्तिताल अझै कुरुप बन्ने र राज्यको करोडौ रुपैयाँ स्वाहा हुने निश्चित रहेको छ ।