नेपालगञ्जमा ९ लाख बढीको अबैध सामान बरामद

साउन १७ , बाँके । जिल्ला प्रहरी कार्यालय बाँकेले नेपालगञ्ज स्थित बसपार्कबाट अबैध सामान बरामद गरेको छ ।बिहीबार बिहान ९ बजेको समयमा नेपालगञ्ज उपमहानगरपालिका वडा नं. ४ बसपार्क नजिकैबाट अबैध सामानहरु बरामद गरेको डिएसपी एवं सूचना अधिकारी नारायण डाँगीले जानकारी गराए ।

उनका अनुसार प्रहरीले १६०० के.जि. चिनी (मुल्यः प्रति के.जि. ६० को दरले ९६ हजार), स्वाड खाने तेल ८४ पेटी (मुल्यः प्रति पेटी १४०० को दरले एक लाख १७ हजार ६००) र लु १ च ६९७० नं.को बोलेरो (मुल्यः ७ लाख) को बरामद गरेको हो ।

Advertisement

उक्त सामान जम्मा रू.नौ लाख १३ हजार ६०० बराबरको रहेको प्रहरीले जनाएको हो ।गाडी चालक भिम बहादुर डि.सी.लाई नियन्त्रणमा लिएर आवश्यक कारवाहीको लागी भन्सार कार्यालय नेपालगञ्ज पठाइएको प्रवक्ता डाँगीले बताए ।

Advertisement