नेपालगन्ज २१ बाट १० लाख बराबरको मोबाइल स्क्रिन गार्ड बरामद

नेपालगन्ज । बाँकेमा अबैध मोबाइल स्क्रिन गार्ड नियन्त्रणमा लिन सफल भएको हो। जिल्ला प्रहरी कार्यालय बाँकेका अनुसार बुधबार बाँकेको नेपालगन्ज २१ बाट अबैध भन्सार छलिको Mobile Screen Guard नियन्त्रणमा लिएको हो।

गस्तीमा खटिएको वडा प्रहरी कार्यालयको टोलीले अबैध मोबाइल स्क्रिन गार्ड सहित ढुवानीमा प्रयोग गरिएको २ थान मोटरसाईकल र ३ थान साईकल पक्राउ गरेको हो ।

Advertisement

नेपालगन्ज उप महानगरपालिका २१ बसन्त मल्ल चौक नजिक प्रहरीले भारतबाट अबैध रुपमा भन्सार छली चोरी निकासी गरी ल्याएको ९२८० पिस जम्मा अन्दाजी मुल्य रु.१०,०५,०००।– (दश लाख पाँच हजार) बराबरको Mobile Screen Guard नियन्त्रणमा लिइ जिल्ला प्रहरी कार्यालय बाँकेका प्रवक्ता नारायण डाँगीले जानकारी दिनुभयो ।

अबैध मोबाइल स्क्रिन गार्ड र ढुवानीमा प्रयोग भएको साधन बरामद गरि आवश्यक कारवाहीको लागि भन्सार कार्यालय नेपालगंज बाँकेमा बुझाईएको ।

Advertisement